15 49.0138 8.38624 1 0 4000 1 https://wyrta.com 300 0

Da jied ya u Puramon Kynjing kam u Dolloi wa pura ka Elaka Jowai

0 Comments
Advertisement ad1

Jowai : Ka ñiaw vote yow jied Dolloi wa pura ya ka Elaka Jowai da pynman ya ka ynne ka sngi ha MDC Hostel, Jowai heiwa da wan lang ki hajar ngut ki paidbah wa kyrchaan ya jar jiar ki kyrtong wa kynthup ya u Puramon Kynjing wa u R K Ram Rymbai.

Advertisement ad1

Hawa pait ya i rukom thap ki paidbah ha ki dong ka Jowai wa kynthup lang ya ka chnong Chyrmang u Puramon Kynjing da yoh u 3397 Vote na Jowai wa 156 Vote na Chyrmang waroh da poi 3553 katwa u Ram Rymbai won na Jowai da yoh u 1387 Vote wa 14 Vote na Chyrmang waroh ki Vote da poi ki 1401.

Na ki thaiñ War won wa kynthup ya ka Padu, Amlarem, Twah-U-Sdiah, Demthring, Mustem, Pynthorlangtein u Puramon da yoh u 1070 Vote katwa u Ram won da yoh u 689 Vote.

Cha ki thaiñ Khliehtyrchi, Madur, Ummulong, Wahiajer hadooh Moodymmai u Puramon da yoh u 1084 Vote katwa u Ram won da yoh u 1702 Vote.

Nadooh na Mihmyntdu, Ialong, Tuber, Iongkaluh, Mukhaialong, Chamcham, Wapungskur, Jalyiah wa Pamrakmai u Puramon da yoh u 3122 vote katwa u Ram won da yoh u 3193 Vote.

Kamtæ waroh u Puramon Kynjing da yoh u 8829 katwa u R K Ram Rymbai da yoh u 6985 Vote iwa mut u Purmon Kynjing da jop u da 1844 Vote wa i naam Dolloi wa pura ka Elaka Jowai.

Hadien wa da jop u Puramon da e khublei u ya waroh kiwa kyrchaan ya oo ha kani ka jied Dolloi wei kamjooh leh ya kiwa da lai pyrchah ya oo, wei da ong u wa kam u Dolloi u chakri u ya ki khon ka Elaka deiwa solansor da ki aiñ bru aiñ blai.

 

Advertisement ad1

0 Comments

Leave a Reply