64 ngut ki khynnah kiwa yoh ya ka 2nd War Jaiñtia Scholarship

Ka yalang saam ya ki Scholarship wa tip kam ka 2^nd  War Jaiñtia Scholarship Examination 2025 ka seiñ War Jaiñtia Students’ Union da pynman ka ha ka 22 tarik uni u bnai ha pchem ka skur Riwar Jaintia Church of God Secondary School, Ladjaplem, Amlarem.

Da wan wow sakhi ya kani ka yalang da u Lahkmen Rymbui, Montri ka chnat puræ puthi ka sorkar Meghalaya kam u kongsan deilang ki symbood kongsan wa kynthup ya ka Dolly Khonglah, Secretary, MIECC, Dawki deilang u President ka HYC Central Body, u Roykupar Synrem wa u General Secretary ka FKJGP Central Body, u Eldie N Lyngdoh chirup kiwa sikai skur, ki khynnah skur wa ki manbei manpa.

Waroh da em 64 ngut ki khynnah wa yoh ya kani ka Scolarship heiwa 37 ngut toh na ka Section-I, neitæ 13 ngut na ka Section II wa 15 ngut na ka Section III heiwa kiwa yaleh da em ki palat 600 tam.

Ka Dolly Khonglah hawa e yei klam da yaroh ko ya ka WJSU yeiwa booh ki hakhmat ya ka puræ puthi ka thaaiñ deiwa e mynsien ya ki khynnah wa em yei sap i tap nadooh wa dang khian ki yow pynwandur ya ka mynried ki.

U President ka HYC, Shillong da ong u wa kani da man ko ka rynsan wa emkaam bha wa da sdang ka WJSU yow ye ki khynnah wow yakob wa kiwi hapoh ka jylla kamjooh ka jylla wot hapoh pyrthai waroh kawi.

Neiliang u General Secretary ka FKJGP Central Body leh da yaroh u ya ka WJSU wa pynman ko yeini wow thooh ya kiwa em yei sap i tap wei da kyntu leh ya ki khynnah wym toh u pynsepai ya kani ka kabu wa da yoh ki ka wow pynskem ya ka mynried ki hei puræ puthi.

Related posts

Lai yaseiñ Christmas u Modi deiwa yoh leh yei duwai wa kyrpang na u Bishop

December 25, 2025

Chah pynsih wei chah thang ki tiar pynriam Christmas ha i skur ha Assam

December 25, 2025

Neiliang u Lahkmen Rymbui won da pynsñiaw u yei hun mynsien yeini i kaam wa bha wa da leh da ka WJSU yow wiar noh i em ki bei ki pa kiwa sñiawthooh bakla hadooh katwon kordor wow phah ya ki khon ki wow lai skur neibhah ka puræ puthi toh kawa ye wow pynkylla dur ya ka yung ka sem, ka imlang sahlang kamjooh ka jylla deiwa man ki bru kiwa da biang wow yoh kreh ha kiwa boon ki jait kaam.

Hawa e yei ktien khublei, neiliang u Everest Langstang, General Secretary ka WJSU, da pynsñiaw u yei sñiawngooh ya waroh kiwa da emlang kamjooh kiwa da e mynsien wei kyrchaan ya ka seiñ neibhah wow pynku ya ka thaaiñ War Jaiñtia da emkaam yei ya krehlang yong warohlang.