Kynmoo burom ka Dorbar Chnong Loomkyrwiang ya ka lyngkhooh snem yap u Kiang Nangbah

Ka 30 tarik u Kmaichonglad (December) 1862 toh ka sngi yaam bru yong ki khon ka Ri Jaiñtia heiwa ka sorkar pharæng dei thmu wow yoh u synchaar embor ya ka ri ka muluk da pasi ko ya u Kiang Nangbah uwa man uwa yahkhmat ka Ri 12 Dolloi hei wow yaleh pyrchah ya ki bor ka sorkar pharæng.

Ha ka thong wow pynkhroo yei man kyrpang kani ka sngi hapoh ka bri u Ynñiawtrep Ynñiawskum ki seiñ waphær chim ki wow pynman ki yalang kynmoo warom, kamtæ ka Dorbar Chnong Loomkyrwiang leh dei sñiawkhia wei sñiawngooh makhane ya ki kaam u Woh Kiang Nangbah neibynta ka ri wa ka jaitbru, hei janmiet yong ka 30 tarik da pynman ko ka yalang kynmoo warom ya ka lyngkhooh snem yap wa 163 u Kiang Nangbah ha Yungwalieh hei sakhilang ka Nimanchwa Laloo, District Forest Officer, Wildlife Division, Jowai kam ka kongsan.

Ha ka yalang wa da pynlai da u Daioolang Pakma, Symbood Waheh Chnong da em i suki wa chi minit neitæ pynbood i ngoohblai na u S.D. Laloo, General Secretary katwa yei klam i khana chaphang i parom u Kiang Nangbah da khana pynsñiaw da u Lammat-OO Laloo, Waheh Chnong.

Ka Nimanchwa Laloo kam ka kongsan yong kani ka sngi, da pynchong yurim ko yei klam yong ka deiwa nujor wyrchaw ya ki por u Kiang Nangbah wa ka juk katni, wei da ong ko leh ha ki por u Kiang Nangbah ki pharæng toh man ki bor wa wanrah yei tynjooh yow Kiang Nangbah kamjooh ya ka ri wa ka jaitbru katwa ha kani won ka juk ka por katni, ki rukom tynjooh ya i ki bru wan ki ha ki dur ki rukom waphær iwa ye u man hei im wa samen, hapoh ka yung ka sem, ka chnong ka thaw wa ha ka imlang sahlang.

Related posts

Yap ka khyllood wa dih bih hadien wa kyntait u chan wow bia hadien 4 snem

December 31, 2025

Deiwa riam kam ka kynthai chah kem u pulit warim uwa da yut hadien wa slaitbor ya ka khynnah

December 31, 2025

Neiliang ka Nimanchwa Laloo da kyrsu kyntu wei e mynsien ko ya ki khon ka Dorbar Chnong wa ha lyndet i hap u maad u takhooh, u chem yei eh i khoo, toh u man kiwa skem yurim i longbru manbru wei kiwa yieñ ha ka yurim yong i hok i chlur wei em leh i kitkhlieh.

Chooh chooh da pynphooh leh ya kani ka yalang da i sur wa da rwai da u Chanphi-OO Laloo Phawa chaphang u Kiang Nangbah wei da pynkut leh da i saam ya ki Prize cha ki khynnah wa jop yong ka Drawing-Painting Competition.