U pulit uwa dadep chah beh kreh uwa jooh man kam u Constable hapoh ka Rajasthan Police uwa da kdong da thooh ya oo hadien wa slaitbor u ya kawi ka kynthai wa 16 snem, da yoh wow kem oo na Vrindhavan, Uttar Pradesh deiwa sap u da ka Burqa wei biah Lipstick u.
Uni u bru uwa tip kam u Rambharose uwa tip leh kam u Rajendra Sisodia, toh uwa man kam u pulit ka Rajasthan Armed Constabulary (RAC) wei da yut u nadooh ka 15 tarik uni u bnai hadien wa slaitbor u ya ka khynnah kynthai iwa da jia ha chnong Dholpur.
Katkam wa pyntip u Superintendent of Police ka Dholpur, u Vikas Sangwan, u Sisodia da phon u ya kawi ka khynnah kynthai deilang u diah ko cha yung u deiwa kular wow e kreh ya ki. Manda poi ha yung da phah u ya u diah ko wow lai thied tiar na yaaw wei heini i por da slaitbor u ya ka khynnah kawa da kiad hadooh wa da sñiaw ki jan yung kiwa da wan tangwa uni u bru da yoh laad u wow yut.
U Sisodia da yut u cha Agra, Lucknow wa Gwalior heiwa da riam u chibet deiwi chibet deiwi yow lait na ki pulit heiwa da em ki por da leh u kam u heh sorkar wei em ki por kam u heh pulit.
Hadien wa da pynjoor yei kdong ya oo, da yoh wow kem oo na Vrindavan heiwa da sap u da ka Burqa wei da yoo ya oo da ki pulit kiwa da yoo phær yei rukom lai i wan u wei manda ksoh ya oo da chem toh u Sisodia.
Uni iu bru toh uwa da emkti chwa ha kam kini ki kaam wei dadep chah beh u kreh u napoh ka Rajasthan Armed Constabulary (RAC) hadien wa chah pynngat u hapoh ka aiñ Protection of Children from Sexual Offences (POCSO) Act deilang kiwi ki kaam thombor ya ki khynthai.
Discussion about this post