Kawi ka khyllood na Hathras, Uttar Pradesh da pynkut ko yei mynsien hadien wa kyntait u chan ko wow bia hadien soo snem. Chwa ini kani ka khyllood da riñ Video ko wow khana yei daw wow leh ko kamni deiwa pynbaad ya u chan ko uwa da yalang ko la soo snem.
Ya kani ka khyllood da tip kam ka Kamini Sharma, na Awas Vikas Colony hapoh ka Sadar Kotwali wei da pynkut ko yei mynsien deiwa dih bih.
Hadien wa dih bih ko da chem ya ka da kiwa ha-yung kiwa da kit ka cha Hospital tangwa da yap ko chwa wow poi thaw sumaar.
Ya ini i Video wa riñ ka Kamini da chem hadien wa pyndep ya ka niam wa khaddooh yong ka heiwa da khana che ko yei daw wei da pynbaad ko ya u chan ko u Akash uwa da kyntait wow bia hadien soo snem wa ya maya ki.
Chwa wow leh ko yeini ha ka 29 tarik uni u bnai, da lai yachem ko wa u Akash uwa kreh ha Noida yow yaklam yei bia tangwa da piah u nood ko hadien wym bien u, kamtæ da liwan ko cha yung kawa em yatoh ko heiwa da dih ko yei bih.
Ka bei ka Kamini, ka Rashmi Sharma, da ujor ko ha ki pulit ka Sadar Kotwali pyrchah ya u Akash heiwa ki pulit da kem noh ki ya oo..
Discussion about this post