Heiyatoh wa i yap u dkhot ka seiñ ACHIK uwa tip kam u Dilseng Sangma, neiliang ki pulit ka West Garo Hills da kem ki sa uwi iwa mut waroh da em soo ngut kiwa chah kem.
Kam wow pynkynmoo wa ha ka 9 tarik uni u bnai, ki dkhot ka ACHIK da lai ki cha kawi ka thaw tih moo (Quarry) yow pynsangeh yeiwa da tih moo pyrchah ya ka aiñ tangwa da chah dat noh hadooh wa yap u Dilseng wei mynsoo joor uwi hadooh wa da chong syier ka thaaiñ deiwa tieñ ya mih ka sñiawyaphær jaitbru.
Ki pulit pyn ha ka jooh ka miet da lai kynreh ki ha kiwa boon ki thaw heiwa da kem ya le ngut.
Ki seiñ na Garo Hills da ong ki wa la le snem dadep ki wow ujor pyrchah ya kiwa boon kiwa tih moo pyrchah aiñ tangwa ka sorkar jylla kamjooh ka GHADC ym em leh ki iyi iyi hadooh wa poi chei yap u Dilseng ha kti ki damok hajan ka Goalgaon hadien wa hiar ki cha ka thaw wa tih moo pyrchah aiñ.
Ha iwi won i liang, u MP ka Tura, u Saleng Marak leh da beiñ u ya ka sorkar wym ye ko wow pynsangeh ya kini ki kaam pyrchah aiñ.
Discussion about this post