Kam ka China ya ka Shaksgam Valley wa em ha Jammu & Kashmir

Kawa e ktien ka Foreign Ministry ka China, ka Mao Ning, ynnin ka sngi da kyntait ko yeiwa ong ka India wa ka Shaksgam Valley wa em ha Jammu and Kashmir toh kawa em hapoh u pood ka India.

Da ong ko wa kani ka thaw toh kawa em hapoh China wei ka em hok ko wow wanrah ki kaam pynroi hapoh ki thaw yong ka hi.

Chooh chooh da pynche ko wa ka China waka Pakistan dadep ki wow yasoi ya ka Boundary Agreement ha ki snem 1960 yow pynbait ya u pood hapyrdi kini ki ar ri.

Kani ka Shaksgam Valley toh kawa em pood wa ka Xinjiang Province ka People’s Republic of China (PRC), Pakistan Occupied Jammu & Kashmir wa ka Siachen Glacier.

Related posts

Chah kem uwi u Bangladeshi na khappood

January 13, 2026

Ym chah ka kyndon wow chim bai lai ya kiwa im hapoh 20 Km na ka Toll Plaza: HITO Jaiñtia Hills

January 13, 2026

Ha ka 9 tarik uni u bnai, ka India da pynsñiaw ko yei wym sñiaw yahaap ya ki kaam pynroi wa da sdang ka China ha ka China-Pakistan Economic Corridor (CPEC) wa em ha Shaksgam Valley, deiwa ong wa ini wa leh ki toh pyrchah ya ka aiñ neibhah kani ka thaw toh ka bynta ka India.

U Randhir Jaiswal uwa man kam uwa e ktien ka Ministry of External Affairs, da ong u wa ka Shaksgam Valley toh kawa em hapoh India wei ym jooh em leh tipmit ya ka soskular China-Pakistan Boundary Agreement 1963. Wei kam ka ri da ong i wa kani man ko pyrchah ya ka aiñ wei ym tipmit leh ya ka China-Pakistan Economic Corridor kawa lai luti napoh ka India.