Ka Dorbar Chnong Brishyrnot deiwa ya krehlang wa ka Dorbar Chnong Khaddum da pyntip paidbah ki khamtam cha kiwa uiñke suwari wa ka kchaaid Chympe Falls wa daw khang noh ka ha man ka sngi Sunday deiwa sdang nadooh ka 25 tarik u January 2026.
Najrong ki sngi Sunday daw khang leh ha kiwi ki sngi kam ha ka sngi Good Friday, Christmas (25 wa 26 tarik u December), ka 1 tarik u January, ka Independence Day (15 tarik u August), Republic Day (26 tarik u January).
Neiliang ki ar dorbar chnong da pyntip ki wa yeini i rai da chim neibynta i bha i miat ki kaam chnong wei yow ye leh u pynbiang yeiwa emkaam kiwa wan uiñke suwari, kamtæ da paan maap na kitu kiwa wan uiñke lada man ini waroh iwa pynthut.
Da pyntip leh wa ki daw wa khang toh yow ye u pyndep ya ki kaam chnong kamjooh i lai yaseiñ ha ka sngi Sunday wei ha ki sngi wa khang waroh ki thaw pynyieñ kari, ki dukan, ki Guide wa kiwi de ki kaam wa e yarap man ki kiwa sangeh.
Da pdiang sñiawbha ya waroh ha ki sngi kiwa nadooh Monday hadooh Saturday ha waroh uwi u snem.
Lada chem won ya kiwon kiwon ki Tourist næ ki Guide kiwa leh pyrchah yeini daw chah pynchitom ki katkam i rai ki dorbar chnong.
Discussion about this post