Ha iwi i Video wa da poor bha na Pakistan, da pynyoo ya ka kari pulit heipor wa pdung u Bomb hawa dang lai luti ha Khyber Pakhtunkhwa ha ka 12 tarik heiwa da yap 7 ngut ki pulit.
Ini i Video da riñ da ki dkhot ka seiñ Tehreek-e-Taliban Pakistan (TTP) wei kani ka kari toh kawa lai sonteri ko ha Tank District wei da pdung syndet u Bomb Improvised Explosive Device (IED) hadooh wa pra ka kari phari.
Ki dkhot ka TTP da siat ki leh ya ki pulit kiwa thiah ha madan hadien wa pdung u Bomb.
U Deputy Police Chief ka Tank District, u Pervez Shah da ong u wa san ngut ki pulit da yap ki pyn ha i thaw wa jia katwa ar ngut won ha Hospital.
Kiwa yap kynthup ki ya u Station House Officer, Sub-Inspector, le ngut ki Elite Force wa uwa yah.
Discussion about this post