Ka National Highways Authority of India (NHAI) ynne ha ki rynsan Social Media da pynche ko heiyatoh wa ki wym emkaam u su bai Toll Plaza wei kiwon kiwa ye u yoh deiwa duna dor katkam ka National Highways Fee (Determination of Rates and Collection) Rules, 2008.
Katkam ka Rule 11 da pynlait ya ki kari wa kit ya ka President ka ri, u Vice President, u Prime Minister, u Chief Justice, ki Minister ka sorkar pyrdi, ki Chief Minister, ki Ambulance kamtæ ter ter.
Ka Rule 9 won da batai ko yei pynduna dor yei bai lai deiwa lai pyntip cha kiwa pynlai ya ka Toll Plaza lada toh kiwa lai boonsien.
Heiyatoh wa ini, ki tre kari ye ki wow yaleh da ka Pass heiwa kawi toh deiwa kheiñ ya kiwa lai ar sien ha ka chi sngi heiwa i dor u kheiñ duna da 1.5 chah na i dor wa lai chisien (One Way Journey).
Lada lai won 50 sien ha ka chi bnai ye wow yaleh da ka Pass heiwa i bai su man ko 2/3 (Two Thirds) na i dor wa toh u su.
Kitu won ki kari ki wym toh ki kari kamai ye ki wow yaleh da ka Pass katkam ka dor wa da booh yong u snem 2007-2008 iwa kheiñ da ka Base Rate wa Rs. 150 chi bnai wei i dor toh iwa da pynkylla man-u-snem katkam ka Rule 5. Kani ki Pass toh ya ki kari wa mantre da ki bru wa em hapoh 20 Km na ka Toll Plaza kiwa hap bait wow lai na ki National Highway neidaw wym em sarok de da kiwi.
Ki tre kari won kiwa em ya ka Registration Certificate yong ka District wa lai luti ki deiwa pynemkaam ya ki National Highway kiwa em hapoh ka District. Ya kam kini hap ki wow su 50% na i dor wa da booh wei kini leh toh ki wym em luti de da kawi u pynemkaam lait noh na ka National Highway.
Ya kitu kiwa em FASTag yow yoh ki yei duna dor, hap ki wow lai e ya ki kot ki sla ki ha kiwa pynlai ya ka Toll Plaza yow kheiñ dei dor wa yatoh wa ki katkam ki kyndon.
Yow puræ lut ya ki kyndon ye phi wow lai ha kani ka Link.
Discussion about this post