Ka JNC Western Zone hapoh i yahkhmat u President, u Hamehi Bamon deilang wa ki dkhot, ynne i step da hiar biang ki cha ka Toll Plaza kawa em ha Ialong hadien wa da yoo wa pynmih khubor ha ka 19 tarik da ka National Highways Authority of India (NHAI).
Kam woo pynkynmoo wa ha ka 14 tarik uni u bnai, ka seiñ da lai khang ko chisiendon khlem da e laad u chim poisa na ki kari khian ML04 wa ML11 deiwa sakhi hadooh wa miet wym chim poisa heiwa da yaklam leh wa kiwa pynlai ya kani ka Toll Plaza wym toh u chim bai lai ya ki kari khian wei hadooh ynne ka sngi leh da chem wa dang neh kamjooh hi.
Ka seiñ da ong ko wa ka khubor wa da pynmih ka NHAI toh deiwa kheiñ ya ki Rule kawa da booh nadooh u snem 2008.
Kamtæ ka seiñ da ong ko wym ye u pdiang ya kani ka Rule la kammon kammon leh neibhah kammon ya ki paidbah stat bha ki u booh Rule katwa ya kiwa chna sarok kiwa chna habra kiwa chna tang dep won ym em Rule neibhah u sarok boon toh uwa da jæd da pra.
Ka seiñ da e nongmuna ko wa ha ka 27 tarik u October 2025, neiliang u President ka seiñ da yoo u dei khmat yei chna sarok ha Soomer heiwa da siang psiah ki heipor wa joor u slap nadooh 3:00 waje i sngi hadooh 7:30 i miet heiwa da pynsangeh leh yeini i kreh.
U President da ong u leh kani ka Toll Plaza kawa em heini ha Ialong toh ka wym ye nujor wa kiwi kiwa em ha kiwi tawon ki jylla wa ki District heiwa ki da em ki u sarok wa da chna dei miat dei bha katwa u sarok NH6 heini ha Jaiñtia Hills wym jooh bha u neibhah tang kiwa chna leh ym tip ki ya ki Rule.
Kamtæ neiliang ka seiñ da ban joor ko wym toh u chim bai lai na ki kari khian ML04 wa ML11 wei wym toh u su leh ki paidbah wei da pyntikna leh da kiwa pynlai ya kani ka Toll Plaza wym chim poisa ki na ki kari ML04 wa ML11.
Ka seiñ da ong ko wa lada em kiwa chim poisa wow pyntip ki deiwa Phone ha u Number-8787471961.
Discussion about this post