Ka Khasi Students’ Union (KSU) Delhi Unit da pyntip ko wa ynne i step heipor kamwa 2:00 waje da em kiwa pyntip cha ki na Shillong yow yarap ya kawi ka kynthai Khasi wa em ha Delhi kawa da chah thombor wei chah dat ha ki kattu katni ngut ki bru ha i thaw wa sah ko.
Mar ya tip yeini da lai pyntip cha ki pulit ka Special Police Unit for the Northeastern Region (SPUNER) wei deilang ki pulit ka Malviya Nagar dapoi ki cha ka thaw wa jia yow lai pynlait im ya kani ka khynthai.
Katkam wa khana ki bru wa chah pynbaad, da ong ki wa kani ka kynthai da chim poisa ko na ki wei ym em su ko, kamtæ da lai ki cha ka thaw sah ko neidaw wa kyntait ko wow pynuiñ ya ka poisa.
Tangwa hadien wa da kylli takit ki pulit da chem wa kani ka kynthai da wan ko cha Delhi dei thmu wow thooh kreh tangwa da chah pynbor ko wow kreh ha ki kaam dakait da kini ki bru ha kawi ka thaw wei manda kyntait ko wow leh yeini da chah thombor chah dat ko ha kini ki bru.
Kini ki bru da em ki hei pait ki pulit wei neiliang ka seiñ dang yaleh ko wow pyntikna wa kani ka kynthai u yoh biang ko u liwan yung hadien wa dep waroh iwa emkaam katkam ka aiñ.
Ka KSU Delhi Unit da kyrpaad ko ya ka sorkar wow chimkhia wow thooh ki laad yow lait u jia kamni wei da kyntu leh ya ki paidbah khamtam kitu kiwa thooh kreh wow tih bniah bha chwa wow lai kreh cha baar jylla yow lait nei chah thok.
Discussion about this post