25 snem phah kset ka yung bichaar ya uwa slaitbor ya ka khynnah wa dang 11 snem

Ka yung bichaar ka B. Khriam, Special Judge (POCSO), East Jaintia Hills District da phah kset ko 25 snem deiwa pynchitom bha ya u Kmenlang Sana (42 snem) uwa tip leh kam u Lana Sana uwa da slaitbor ya ka khynnah wa dang 11 snem.

Ha ka FIR wa da e ha ka 06-05-23 ha Khliehriat Women Police Station da ong wa kani ka khynnah da wiar ko ha ka 04-05-23 na yung wa sah ko, kamtæ da pynman yei takit da ka WPSI. L. Siangshai wei da Charge Sheet ha ka 30-10-23.

Ka yung bichaar da rai pynrem ko ya u Lang Sana deiwa phah kset 25 snem deilang ka kuna wa Rs. 30,000 hapoh ka kyndon 376AB IPC wa Section 6 ka POCSO Act.

Hawa bichaar da chem wa kani ka khynnah toh kawa da yap bei wei da sah ko wa kawa emyatoh ko yow pteiñ yei lai skur.

Related posts

Chah kem ka kynthai kawa pynpoor yei Video hadooh wa pynkut uwi yei mynsien

January 21, 2026

Chah kem uwi u bru wa tooh ya ki patlun-poh ki kynthai

January 21, 2026

Kani ka khynnah da lai ko cha i yung wa tipmit ka bei ko wei da yarap ko ya ki kaam yung kaam sem wei wow pait yei khon khian heiwa da chah slaitbor ko ha Lang Sana heipor wa em ko ha ini i yung.

Ka yung bichaar da ong ko leh ya ka Meghalaya State Legal Services Authority, Shillong wow su Rs. 5 lak cha kani ka khynnah.