Kam chibynta i lehkmen ya ka 16th National Voters’ Day, ka yung krehkaam u Deputy Commissioner (Elections), East Jaintia Hills District deiwa ya krehlang wa ka yung krehkaam ka District Sports Officer, East Jaintia Hills District, ynne da lehkmen ki ya ka “National Voters’ Day Run 2026” hajrong ka phang “My India, My Vote” deiwa lai phet na yung krehkaam warim u Deputy Commissioner chaddooh cha Rymbai Public Health Centre (PHC) wei da uiñ biang cha i thaw wa sdang.
Ini i phet man ko 10 Km wei da kaweh lama ya ka da u Additional Deputy Commissioner, East Jaintia Hills District, u S.R. Marak deiwa emlang ka Assistant Commissioner, ka E.A. Sangma, Assistant Commissioner, ka E.D. Shira, deilang ki sahep ka Sports Department wa kiwi de.
Ha kani ka yaphet pyllah da wan wow chimbynta da ki chynrang wa kynthai kamjooh kiwa da heh nadooh ki khynnah ki khynnah wa dang hapoh 10 snem.
Kiwa jop da yoh ki ya ki Certificate heiwa ki yoh nyngkong (chynrang wa kynthai) da yoh ki Rs.10,000, kiwa yoh wa ar Rs. 5000 katwa kiwa yoh wa le da yoh ki Rs. 3000.
Ha ki chynrang da yoh nyngkong u Junom Phawa uwa pyndep yei phet heipor wa 28 minutes 25 seconds, hei wa ar da yoh u Rishanmehi Ryngkhlem uwa da pyndep heipor wa 28 minutes 26 seconds katwa hei wa le da yoh u Meshantre Ryngkhlem uwa da pyndep heipor wa 30 minutes 45 seconds.
Ha ki kyntai, ka Dakahi Kyndait da yoh nyngkong ko deiwa pyndep yei phet heipor wa 37 minutes, hei wa ar da yoh ka Nemki Phawa kawa da pyndep yei phet heipor wa 40 minutes wei hei wa le da yoh ka Ibarisha Phawa kawa da pyndep heipor wa and 41 minutes 17 seconds.
Discussion about this post