Ha 4-Mowkaiaw Constituency kiwa boon dooh kiwa thap Vote thymme

Ka yung krehkaam u Deputy Commissioner, Election Branch, West Jaiñtia Hills District, ynne ka sngi da lehkmen ko ya ka 16^th National Voters Day ha ka yalang wa da pynman ha pchem ka yung krehkaam u DC Election Branch ha Jowai heiwa da sdang deiwa chim ya ka smai wa yahkhmat da ka Additional Deputy Commissioner, ka DV Lyngdoh.

Ha kani ka National Voters Day da wan wow chibynta da ki waheh wasian ka chnong deilang kiwa dang man kam kiwa thap Vote thymme, ki sahep sorkar ka chnat ka Election Branch, deiwa emlang leh u Dolloi ka Elaka Jowai, u Puramon Kynjing chirup ki Election District Icon, ka Sawakani Lakiang wa u Alexander Lyndoh wa kiwi de.

Ka DV Lyngdoh da pyntip ko wa neidaw wa ka 25 tarik haap ko ha ka sngi Sunday ha uni u snem, kamtæ da pynman ya ka National Voters Day ynne ka sngi. Da ong ko leh wa ka thong kani ka sngi toh yow pynchlur wei wow pynkup burom ya kiwa dang man kam kiwa thap Vote wa thymme kamjooh yow e mynsien ya ki wow chimbynta hei wow thap Vote.

Da saam leh ya ki Voter ID Card cha kiwa thap Vote thymme wei da saam leh ya ki khusnaam cha kiwa jop ya ka yakob Drawing Competition kawa da pynman ha ka 22 tarik uni u bnai.

Waroh da em 4239 ngut kiwa man kam kiwa thap Vote thymme ha ki soo Constituency ka District lait noh ka Amlarem Constituency wei da pynkup burom leh ya ki BLO yong ki jar jiar ki Polling Station.

Related posts

Beiñ ka TUR yeiwa jia heipor wa pynman Rally ka KSU | Ka sorkar hap ko wow bahkhlieh

August 21, 2026

Kem ki pulit ya uwa mut pynkulmar, dang pteiñ i ksoh kari ha Jorabat

August 21, 2026

Hapoh ka 1-Nartiang Constituency da em waroh 1123 ngut kiwa thap Vote thymme heiwa 572 ngut toh ki chynrang wa 551 ngut ki kynthai.

Hapoh ka 2-Jowai Constituency da em 970 ngut kiwa thap Vote thymme heiwa 488 ngut toh ki chynrang wa 482 ngut ki kynthai.  

Hapoh ka 3-Raliang Constituency da em waroh 1016 ngut kiwa thap Vote thymme heiwa 524 ngut toh ki chynrang wa 492 ngut ki kynthai.  

Hapoh ka 4-Mowkaiaw Constituency da em waroh 1130 ngut kiwa thap Vote wa thymme heiwa 541 ngut toh ki chynrang wa 589 ngut ki kynthai.

Deiwa kheiñlang wa kini kiwa thymme kiwa thap Vote ha ki soo tylli ki Constituency, waroh da em 1,76,114 kiwa thap Vote (84,748 ngut ki chynrang wa 91,366 ngut ki kynthai).