Ha ka yakhun Final yong ka lympung yalehbol ka 1st Wailadmiki Shylla Youth Festival 2026 wa da pynman ynnin ha ka 23 tarik ha Madan Thad Mukhla kawa man leh ka sngi pynkut ya kani ka tamasa, da sakhi wa ki chnong kiwa poi cha ka yakhun Final yong ki kynthai wa chynrang man sakhiat ki kiwa yatoh bor bha wei pynchongchit ya ki paidbah wa wan paitke ha kani ka sngi.
Ha ka yakhun yong ki kynthai da yachem hapyrdi ka Khliehtyrshi wa ka Mihmyntdu wei neidaw wa i yakhun nadooh ka kylla step hadooh ka kylla miet man iwa ya thaiñ bha wei ya Drawn, hap e laad dei yachut Tie-Breaker, heiwa ka Mihmyntdu da yoh rah ko yei naam jop.
Ha ka yakhun yong ki chynrang hapyrdi ka Dulong wa ka Ialong leh man hi ko kawa ya thaiñ wei ya Drawn hadooh wa kut ka kylla miet, kamtæ da hap pynman dei yachut Tie-Breaker heiwa ka Ialong da yoh rah ko yei naam jop.
Ka Mihmyntdu kam ka Champion ki kynthai da yoh ko ya ka song poisa wa Rs. 50,000 katwa ka Khliehtyrshi won da yoh ko Rs. 20,000.
Ka Ialong kam ka Champion ki chynrang da yoh ko ya ka song poisa wa Rs. 2 lak katwa ka Dulong won Rs. 1 lak.
Discussion about this post