Ka HITO Jowai Circle hadien wa yoo ko yei pynbna u Health Minister, u Wailadmiki Shylla dap ko da i sñiawkmen iwa khroo hadooh kattæ kattæ heiwa u Deibormi Siangbood uwa man leh u President ka seiñ da ong u wa i lai luti ka seiñ wow dawa ya kani ka Nursing College da man ko kawa jop.
Da ong u wa ini daw myntoi bha i ya ki khynnah wa puræ Nursing neibhah ym emkaam de ki wow lai cha jngai neibhah daw ye ki u puræ pyn hapoh ka District yong i hi.
Chooh chooh da ong u wa ini wanrah i yei myntoi ym du ya ka West Jaiñtia tangwa waroh kawi ka Ri Jaiñtia kamjooh.
Ka seiñ da ong ko leh wa daw lai yachem ko ya u Minister wow pyntikna wa katai ka Nursing College ymhoi u em ko i duna ya ki khynnah nadooh ki kot hadooh ki Laboratory wa kiwi.
Discussion about this post