Phah ka MHRC ya ki pulit wow su mar Rs. 50,000 ka bai lutsan cha ki 15 ngut wa chah kem

Ka Meghalaya Human Rights Commission (MHRC) da yoh ko 30 tylli ki ujor heiyatoh wa i kem ki pulit ya ki bru ha Rimpu Bagan, Tura, West Garo Hills District ha ka 22 tarik u July 2022.

Na kini ki 30 tylli da Register 15 tylli katwa kiwi won toh kiwa da pyndam noh da kiwa ujor hi.

Hawa pynman ya ka takit ya kini ki 15 tylli ki Case, ka Commission da bichaar ko ya ki sabut na waroh ar liang, wei da pynmih ko ya ka hukum (Final Order) ha ka 29 tarik u January 2026 ya kawa da phah cha u Principal Secretary, Home (Police) Department.

Ha ka hukum da phah wow su ya ka bailutsan wa Rs. 50,000 cha ki 15 ngut wa chah ktah i hok manbru yong ki heiwa da tyrwa wow leh yeini katkam ka Section 18 (e) ka Protection of Human Rights Act 1993.

Related posts

Phylla ki bru wym em dakha de ha Syntu Ksiar Fish Sanctuary

February 1, 2026

Maham ka JFEPA ya kiwa pynyap dusmon ya ki dakha ha ka Wah Myntdu

February 1, 2026

Kam wow pynkynmoo wa ini da jia i ha ka Farmhouse Rimpu Bagan wa em ha Edenbari ka Tura kawa em kamwa 30 tylli ki kamra wa mantre da u Bernard N. Marak uwa man kam u MDC kamjooh u Vice President ka BJP Meghalaya.

Na kani ka thaw da chem leh ya ki khynnah wa dang hapoh 18 snem kiwa em kamwa 5-6 ngut kiwa da suba ha itu i por toh kiwa chah kset.

Waroh dapoi kamwa 73 ngut kiwa chah kem wa kynthup ya ki chynrang wa kynthai kiwa chong dih kiad wei em leh ki wym em sap sula, heiwa da chem leh 400 tylli ki klong kiad, ki Packet Condom da ki spah tylli, ki khnam wa ki ryntieh (Crossbow), deilang ki Dynamite wa ki Detonator na kani ka thaw.

Hadien ini da pynman yei thooh ya u Bernard uwa da yut wei da yoh kem ya oo na Hapur, Uttar Pradesh ha ka 26 tarik u July tangwa da yoh jamin u.