Ka Khasi Students’ Union wa kynthup ya kiwa yahkhmat ka Khasi Students’ Union San Chnong Unit deilang ki dkhot ka Khasi Students’ Union East Jaiñtia Hills District Unit da lai yachem ki wa u Executive Engineer yong ka MePDCL Khliehriat Division yow pynsñiaw yei maa wa khroo yei rukom saam bordiñ ha ka chnong Mutong wei kamjooh wow booddien yei rukom pynpoi bordiñ ka chnat ha ki chnong khappood Indo-Bangla ha East Jaiñtia Hills District.
Ka seiñ da ong ko wa ha ka chnong Mutong ym em pynbiang ya ki chrot bordiñ wei ki paidbah ym yohsa ki wow taan bordiñ deiwa pynemkaam da ki siej yow pynbi ya u sainar (Wire) da ki phaw Meter hadooh wa poi cha yung ki.
Ka KSU da pynche ko wa ini wa leh kiwa chong chnong ymtoh dei mon sñiawbha tangwa emkaam ki yei bordiñ neidaw wym ye ka chnat wow pynpoi bordiñ cha ki paidbah ka chnong Mutong waroh kawi wei da toh wow pynbiang ya ki chrot bordiñ yow man ko leh kam ka laad wow yada nei maa yei mynsien bru yow lait u jia iwa sñiawsih.
Heiyatoh wa ki chnong wa em ha khapood, ka KSU South West Border Circle da yoh pdiang ko yei jubab heiyatoh wa i thmu ka sorkar wow pynbiang bordiñ lyngba ka “Revamped Distribution Sector Scheme (RDSS) for the Unelectricfied Household (UEHH)” wei hawa kylli na uni u sahep sorkar mynnu u sdang, da jubab u wa daw yaleh u kreh chitom yow sang noh ha u March-April uni u snem lada ym em iyi iyi i thut yow pynpoi bordiñ cha ki chnong khappood wa kynthup ya ka chnong Lejri, Lahalein, Huroi wa Hingaria wei kamjooh cha waroh ki Border Security Force (BSF) Out Post kiwa em ha tymbud u pood ka India-Bangladesh.
Discussion about this post