Saam symbe jhoor u Wailadmiki cha ki 100 ngut ki warep

Ha ka lympung ka 1st Wailadmiki Shylla Youth Festival kawa da pynman da ka NPYF Jowai Block deiwa ya krehlang wei kyrchaan u MLA ka thaaiñ, u Wailadmiki Shylla, da ye u saam ya ki symbe jhoor cha ki 100 ngut ki warep lyngba i khreh chitom yong ka National People’s Party Farmers Front, Jowai Block hapoh i yahkhmat yong u President, u La-ardawanki Ryngkhlem wa u Secretary, u Humphry Mukhim hei emlang u Jimmy Raul Kharmuti uwa man leh kam u Executive Member ka National People’s Party Farmers Front Meghalaya.

Neiliang u MLA da ong u wa ini toh i sdang donhi wei daw pteiñ i kyrchaan yong oo ya ki warep ka 2-Jowai Constituency lyngba ka National People’s Party Farmers Front, Jowai Block neini chakhmat wei daw thooh u ki laad ki luti wow emlang wow kyrchaan ya ki warep yong i neibhah ki man ki kam u budloom i yoh i kot yong ka Constituency wa ka jylla waroh kawi.

U Wailadmiki da kyrpaad u ya ki warep waroh wym hoi u dooh mynsien ki neibhah neiliang yong oo da pynkhreh u ka rukom krehkaam kawa paka neibynta wow kyrchaan wow pynku ya ki warep yong ka Constituency waroh kawi, da ong u wa toh iwa eh u leh du chisien hi-eh tangwa da em ka yurim wow pteiñ neipor cheipor i yarap wa i kyrchaan ya ki warep waroh.

Related posts

Chah pyndam i booh ya ka Sub-Centre khlem da tip ka Dorbar Chnong Hingaria

February 2, 2026

Phah pynlait ka Supreme Court ya ki ar ngut kiwa na Meghalaya kiwa chah pynbaad pynyap bru

February 2, 2026

Da kyrpaad u leh ya kiwa yoh kyrchaan wow pynemkaam hok ki ya iwa da yoh ki hanlada man i iwa khian leh yow ku ka nong, ka yung ka sem wa i yoh i kot.