Ka Deen Dayal Upadhya Community College (DDUCC) & Skill Development Centre, Wahiajer, kawi na ki chnat (Constituent College) yong ka NEHU, Shillong da pynman ko ya ka Training kawa 7 sngi hajrong ka Beauty, Wellness & Hairstyling neibynta ki khon khyllood yong ka Jaiñtia Hills nadooh ka 28th tarik u January hadooh ka 4th tarik u February 2026.
Da em hadooh 55 ngut kiwa da yoh yei sikai iwa da pynyoo da ka Artysong Lamare.
Ka yalang pynkup burom ya kini kiwa da pyndep ya ka Training da pynman ha ka 4 tarik deiwa wan wow sakhi da ka Amelia Momin, Extra Asst. Commissioner, West Jaiñtia Hills District kam ka kongsan wa ka Dr. Wandashisha Mylliemngap, HoD, Department of Adult & Continuing Education, NEHU, Shillong kam ka Patron.
Da emlang leh u Dr. F.R. Sumer, Principal I/c, DDUCC, u Dr. J. Rapthap, Department of Adult & Continuing Education, NEHU, Shillong, u Fredy Blah, Sub-Inspector of Statistic Industry Dept. WJHD kamjooh leh u Chanki Nongrum u dkhot chnong ka Wahiajer.
Kani ka e sikai man ko leh kam chibynta ka Vocational Education yong ka Skill Development katkam ka NEP 2020 wa da leh da ka DDUCC.
Neiliang Wolnish Rymbai kam u Programme Coordinator da pynsñiaw u wa lyngba kani ka Skill Development kawa da pynman man-i-por, ka College leh da yoh ko chiboon i yaroh naki paidbah wa kiwa chong chnong neibhah da yarap ko ya chiboon ki khon khynroo khyllood wow yieñ ki hei kjat yong ki hi.
Discussion about this post