U Montri Rangbah ka jylla, u Conrad K Sangma, ynne da wai u ya kawa nyngkong dooh hapoh Meghalaya kawa man kam ka thaw booh kari wa tip kam ka Automated Multilevel Car Park wa em ha Vivekananda Road, Additional Secretariat, Shillong.
U Conrad hawa e yei klam da ong u wa em chiboon iwa eh wa hap wow pynbait ha Shillong wei kawi na kini toh i khynnia ki luti syngkieñ heiwa da thooh ki laad ki luti wow leh yeini wei kani ka Multilevel Car Park man ko kam kiwi na kitæ ki laad.
Da pyntip u wa kam kani ka thaw booh kari daw chna sa kynde tylli wei deiwa em kini daw ye wow pynyieñ kamwa 1300 tylli ki kari.
Da khana u leh wa yow ye u pynboon ya ki thaw pynyieñ kari, ki bru wa em thaw ye ki wow ya krehlang waka sorkar yow chna thaw pynyieñ kari wei ki tre thaw ye ki wow chim bai pynyieñ kari.
Da kdaw u leh wa yow pynkyllooid, neiliang ka sorkar da chna ko yei thaw pynyieñ neibynta ki Bus wa ki Taxi ha Kyndailad wei da kyrriah leh ya kiwa chongdai madan najrong wa pynheh leh ya u sarok na Umshyrpi cha Seventh Mile, neitæ daw chna leh ya ka sarok wa lai najrong nadooh Rhino Museum Point hadooh Civil Hospital wa Barik wei manda kyrriah ya ki yung krehkaam sorkar cha New Shillong daw pynkyllooid chooh ko ya ka chnong ka thaw.
Discussion about this post