Pyndep ki 24 ngut ki khynnah ka Jaintia Eastern College yei chah sikai taan bordiñ

Ka Entrepreneurship Cell (E-Cell) ka Jaintia Eastern College, Khliehriat deiwa ya krehlang waka PRIME Meghalaya, MBMA, da pyndep ko ya ka e sikai wa 30 sngi wa tip kam ka Assistant Electrician cum Entrepreneurship in Electrical Wiring, kawa da pynkut ha ka 2 tarik uni u bnai deiwa lai cha ka Green Valley Industries Limited wa em ha Nongsning heiwa da pynman leh ya ka yalang saam Certificate.

Hawa lai cha kani ka karkhana, neiliang u M.V. Rao, GM (Process), Green Valley Industries Limited, da batai u chaphang i rukom krehkaam ka bordiñ ha kani ka thaw kamjooh ki laad yada wa da pynemkaam yow lait na iwon iwon wa sñiawsih.

Ya ka yalang saam Certificate da pynlai da u Banpynskhembha Papang, SPOC, E-Cell uwa da khana ya i thong wow pynman ya kani ka e sikai dei thmu wa manda pyndep yow suk u yoh kreh.

Ha kani ka e sikai, da e laad ya kiwa chah sikai wow pyndait bordiñ ki ha ki le tylli ki kamra wa dang chna thymme wa em ha kani ka College wei da lai leh cha ka chnong Lama, East Jaintia Hills District yow taan bordiñ cha ka Community Hall.

Related posts

Na ki 8 ngut wa mynsoo ha Thangskoo kiwa chah sumaar ha NEIGRIHMS em kiwa em hapoh CCU wa ICU

February 7, 2026

Pynlait paidbah ka Frank Motors ya ka Tata Sierra 2.0 yow pynim biang ya kani ka kari wa bna naam  

February 7, 2026

Neiliang u Dr. P. Nongtdu, Principal, da pyntip u wa yeini da leh kam chibynta ka National Education Policy (NEP) 2020, heiwa da em 50 ngut ki khynnah ka College kiwa da thap pyrtuid wei na kini da em 24 ngut kiwa da ye wow pyndep ya kani ka e sikai.