I pdung Dynamite ha ki krem mooyong ha Mynsngat, Thangskoo ka East Jaiñtia Hills ha ka 5 tarik uni u bnai da wanrah i yei yap ki 27 ngut wei mynsoo ki 9 ngut.
Heiyatoh wa ini ka Meghalaya High Court da phah hajir ko ya u DC ka District, u Manish Kumar wa u SP, u Vikash Kumar ynne ka sngi.
Hadien wa dep hajir, u Vikash Kumar da ong u wa i phah hajir ya u DC wa SP ka District toh hadien wa jia i pdung ha krem mooyong ha ka 5 tarik wei katwa ini i kaam dang man iwa em hapyrdi i takit ymye ware u ong iwon iwon.
Da khana u leh wa i thooh ya kiwi chah ktah dang pteiñ i ynne ka sngi, heiwa ynnin leh da pynman yei thooh tangwa ym em u chem ya iwon iwon i metyap.
Heiyatoh won wow wa ka sngi wa bood wa phah wan ka High Court ya ki, u Vikash da khana u wa dang yang ya ka hukum ka wow mih hadooh myntu i janmiet.
Discussion about this post