U Waildmiki Shjylla uwa man uwi na ki Montri sorkar jylla da ong u wa ym em yurim wa u Chief Minister, u Conrad Sangma hap u wow hiar chuki neidaw i yap ki 30 ngut kiwa kreh mylla tih mooyong hadien wa pdung kawi ka paar moo wa em ha Mynsngat, Thangskoo, East Jaiñtia Hills.
Hawa yaklam wa ki laad pathai khubor ynne ka sngi, u Wailadmiki da ong u wa hadien iwa jia, ka sorkar da leh ko yei kaamram yong ka wei da phah leh ya u DC wa u SP wow leh ki yei kaam yong ki wei da kem ya kiwa emkti.
U Wailadmiki hawa khana yeiwa lai pait u ya kani ka thaw deilang wa u Lahkmen Rymbui, heiwa da khyrngiat ki wow chem wei wow yoo ya kini ka thaw wa em cha kdong bha wa em i tih mooyong pyrchah aiñ wot hadien wa ka sorkar jylla da leh ko yei kaamram wow kem ya ki kari deilang wow kem ya u mooyong.
Heiyatoh wa i kwah ka High Court wow leh ya ka takit deiwa wanrah da kiwa na baar ka jylla, u Wailadmiki da ong u wa ka sorkar pdiang ko yeini neibhah ka sorkar ym em ko iyi iyi leh wow murieh wei da chimkhia yeini wa jia heiwa dadep leh u Montri Rangbah wow pynbna wa da thung da ka Judicial Inquiry.
Discussion about this post