Booh kyndon ki bor District yei rukom tyrpra ya ki Crane wa kiwi de wa em ha krem mooyong

Heiyatoh wa i jia pdung ha krem mooyong ha Mynsngat, Thangskoo ka East Jaiñtia Hills wei da yoh leh ya ka Report na u Inquiry Officer kawa da phah cha u Superintendent of Police, East Jaintia Hills District ha ka 11 tarik uni u bnai wow paan bor yow tympra ya ki Crane wa da pynyieñ ha ini i thaw wa jia wei da em leh 3-4 tylli ki krem mooyong wa em pyn hajan ini i thaw wa jia.

Da ong leh wa kini ki Crane wa kit ya ki bru booh ko leh hei maa ya kiwa chong chnong najrong wa man ki leh pyrchah aiñ hadien wa khang ka National Green Tribunal ha u snem 2014 wei da emkaam leh wow khang yei tih mooyong pyrchah aiñ deiwa pynemkaam da kini ki kor.

Kamtæ u Manish Kumar, District Magistrate, East Jaiñtia Hills District katkam i bor wa da pynkup ha oo da pynkrehkaam u da ka Section 152 ka Bharatiya Nagarik Suraksha Sanhita (BNSS), 2023, wei da e bor u wow tympra ya kini ki tiar ki tar kiwa da pynyieñ pyrchah aiñ deiwa bood ya kini ki kyndon:

-Manda tympra ya kiwon kiwon ki kor, toh u leh hei pait i yoo u Investigating Officer.

Related posts

Ku cha 32 ngut kiwa yap nei jia ha ka krem mooyong ha East Jaiñtia Hills

February 11, 2026

Inter-Office: Jop ka Health Department Jaintia Hills ya ka Forest Wildlife Jaintia Hills

February 11, 2026

-Hap leh wow chondur chwa wow tympra wa hadien wa tympra næ wa sai ka.

-Emkaam leh wow leh ya ka Geo-Tagging yei thaw deiwa booh ki GPS Coordinates iwa hap wow booh yukheiñ da u Inquiry Officer.

-Ya waroh iwa da leh toh u booh thij pa thij dei thoh wei wow e da ka Form Action Taken Report (ATR) cha u District Magistrate khlem pynslem.