Chem yei metyap uwa 70 snem na iwi i khloo ka thaaiñ Umling

Ki pulit ka Nongpoh ynne ka sngi da lai chim ki ya iwi i metyap yong uwi u bru wa da suba wa yap deiwa sdien pasi ha uwi u dieñ ha ka tre ki siej ha ka thaaiñ Umling.

Yeini wa jia da pyntip da ki bor ka chnong Umling cha ki pulit hadien wa da chem yei metyap da ki ar ngut ki bru wa lai thoh dieñ ha ka Reserved Forest ha Umling. Wei katkam wa khana ki, i metyap toh iwa da sdang pyut wei da sahkut ha u tylle pasi, kamtæ da pyntip smat cha ki chnong kiwa da pyntip won cha ki pulit.

Uni u bru da tip pyrtuid kam u Shyam Limbu, uwa em 70 snem i rta. Wei da suba wa wan sah u cha kiwa ha-yung ha-sem u wa em ha Umling wei man u leh u jaitbru Nepali.

Hadien wa ki pulit hiar ki cha kani ka thaw yow takit, wei da leh ki yeiwa emkaam, da e kti yei metyap cha kiwa ha-yung ha-sem yow pyndep ya ka niam wa khaddooh hadien wa da pynsñiaw ki wym em suba iyi iyi wa sih. Kamtæ da pynlait noh nei leh Post-Mortem.

Related posts

Na ki 350 tylli ki Truck wa lai cha Bangladesh lyngba ka Dawki ha chi sngi, hiar cha 25 tylli hadien wa pynmih hukum ka HC

June 7, 2026

Chah kem uwa kreh sorkar hadien wa chem ya ka poisa wa palat Rs. 2 klur deilang ki yung ki sem wym yahaap wa iwa yoh tulop u

June 7, 2026