Ka Embassy of Nepal ha New Delhi ynne da kyntu ko ya ki Nepali kiwa lai kreh cha baar wow man kiwa syndong hadien wa ini wadep wa yap 9 ngut na katai ka ri ha krem mooyong ha ka 5 tarik ha Mynsngat, Thangskoo, East Jaiñtia Hills.
Ka Embassy dei sñiawkhia da phah ko ya i sñiawlem cha kiwa da yap ha ka 5 tarik.
Da ong ko leh wa 7 ngut ki Nepali da mynsoo ki wei dang em ki hapyrdi i chah sumaar deiwa kitbok wow chait noh ki.
Chooh chooh ka Embassy da yaklam ko wa ka Ministry of External Affairs ka India, ki bor District kamjooh ki pulit heiyatoh wa i sumaar ya kiwa mynsoo kamjooh wow su ya ka bailutsan cha kiwa mynsoo wa kiwa yap.
Da booh leh ya u Helpline wow yarap ya kiwa emkaam wei u Number man u +91-9205195035.
Heijooh i por da ong ko wa neidaw wa kani ka krem mooyong toh kawa man pyrchah aiñ, da chem chitom ko wow kreh wow smat u thooh yarap.
Kamtæ da ban joor ko ya ki Nepali wa emkaam u tih tre wei wow tip bniah chwa wow lai kreh cha kiwon kiwon ki thaw wei ymtoh u chah pynbiej du ha ka tulop wa heh.
Discussion about this post