Na ki 1,826 Km ki sarokbah ka NE da chna 137 Km ha Meghalaya: Nitin Gadkari

Ka sorkar India da chna ko 1,826 Km ki sarokbah namo National Highway ha ki 6 jylla ka Northeast hapoh ka Bharatmala Pariyojana Phase-I yong ka Ministry of Road Transport and Highways (MoRTH) hadooh December 31, 2025.

Yeini da khana ha Lok Sabha da u Minister of Road Transport and Highways, u Nitin Jairam Gadkari hawa jubab ya ki le ngut ki MP, u Tharaniventhan M.S., u Bapi Haldar wa u Hanuman Beniwal.

U Gadkari da khana u wa da pdiang (Approve) wow chna 2,133 Km u sarok hapoh ka Bharatmala Pariyojana Phase I ya ki 6 jylla ka NE wa kynthup ya ka Assam, Manipur, Meghalaya, Mizoram, Nagaland wa Tripura.

Na ki 2,131 Km hadooh u December 31 tarik u 2025 da pyndep 1,826 Km ha ki 6 jylla heiwa 521 Km da chna ha Manipur, 137 km ha Meghalaya, 524 Km ha Mizoram, 164 Km ha Nagaland, 69 Km ha Tripura wei 411 Km ha Assam.

Related posts

Pynsangeh ka High Court ya ka Personal Interview ka DSC ka West Jaiñtia neibynta i kreh LDA cum Typist

June 30, 2026

Yoh myntoi ki khynroo khyllood na ka Job Fair wa pynman ka Bosco Pnar Jowai

June 30, 2026