Daw chna ya ki Lab ha Shillong, Tura wa Jowai wow Test ya u chyiap: Marcuise N Marak

U Minister ka Public Health Engineering, u Marcuise N Marak ynne hapoh ka yung dorbar da ong u wa katkam wa man katni ya u chyiap da phah Test ha NIT, tangwa ka sorkar daw chna ko ya ki Laboratory ha Shillong, Tura wa Jowai.

Yeini da khana u yeiwa kylli u MLA ka TMC, u Rupa M Marak yei rukom khloh chyiap na ki wah wow chna Top um.

U Marcuise da jubab u wa da Test ya u chyiap wot hawa chna ya ki Top khian heiwa ya ki Contractor wa pynkreh da phah Test ya u chyiap ha NIT wow pyntikna wa man u uwa miat. 

Heiyatoh wa ki ujor na ki paidbah, da jubab u Marcuise wa manda yoh ujor daw pynchitom ya ki Contractor.

Related posts

Pynsangeh ka High Court ya ka Personal Interview ka DSC ka West Jaiñtia neibynta i kreh LDA cum Typist

June 30, 2026

Yoh myntoi ki khynroo khyllood na ka Job Fair wa pynman ka Bosco Pnar Jowai

June 30, 2026

U MLA ka VPP, u Brightstarwell Marbaniang da khana u yei pai ka Dam ha Lum Shyllong–Shiliang-Um ya kawa da chna dang chi snem, heiwa u Marcuise da ong u wa da phah sylli yei kreh chwa wow su ya ka poisa katkam ki kyndon ka JJM.

U Marcuise da kyntu u leh ya ki MLA wa lada chem ki wa em i duna ha i kreh wow ujor khnang wow ye u leh yeiwa emkaam.