Pynawri ki Tourist na Gujarat ha ka Resort wa em ha Arunachal Pradesh

Ka jylla Arunachal Pradesh da man ko ka jylla wa miat kawa riñ ya kiwa boon ki Tourist namo kiwa uiñke suwari na kylleiñ ka ri wa ka pyrthai wei kiwa chong chnong da bna naam yei man ki kiwa emakor wa emburom.

Ha kani ka kynti da mih i Video wa pynyoo ya ki soo ngut ki Tourist na Gujarat kiwa da pynawri ha ka Mishmi Hills Resort, Anini hapoh ka Dibang Valley heiwa kini ki soo ngut da pynawri wei da leh khlemakor ki ya kiwa kreh ka Resort. 

Ini da jia i ha ka tarik u 20 uni u February heiwa kiwa pynlai ka Resort da ong ki wa kiwa kreh da pyntip ki ya ki soo ngut ya ki kyndon ka Resort heiwa ym chah wow rah baam næ kiad na baar iwa da pynchrai ya kini ki soo ngut.

Ha i Video da yoo ya ki chynrang wa kynthai wa uiñ ha pchem ka Resort hejwa da maisih wei da awri ki ya kiwa kreh ka Resort. Kiwi kiwa sah ha ka Resort da mih ki wow kyrchaan ya kiwa kreh wei wow pynjai ya kiwa awri.

Related posts

U sdang biang ka Maitri Bus Service na Agartala-Kolkata lyngba Dhaka

February 22, 2026

Phooh phieñ ka Dorbar Bah ka Seiñ Kur Sari deilang i pynkup burom, i rwai i chaad tynre

February 22, 2026

Kini ki soo ngut da chah beiñ ki ha kiwa boon ha Social Media.

Hadien ini ka Mishmi Hills Resort da sñiawkhia ko yeiwa jia wei da pyntip ki wa kini ki soo ngut toh kiwa tip pyrtuid kam ka Aastha Devendra Kumar Patel, u Dhruv Devendra Kumar Patel, ka Smitaben Devendra Kumar Patel wa u Devendra Kumar Patel.

Ka Resort da ban joor ko wa ym kyntait ko ya kiwon kiwon ki bru kiwa kwah wow sakhi ya i miat i bha ki bru wa ki thaw ka Arunachal Pradesh deiwa burom markylliang.