Ka Maitri Bus Service wa pynyabi ya ka Agartala wa Kolkata lyngba ka Dhaka u sdang biang ko nadooh ka 24 tarik u February hadien wa sangeh ko mar ya hiar chuki ka Prime Minister Sheikh Hasina ha ka 5 tarik u August 2024.
Ini i sdang lai biang ka Bus toh kam ka dak wa da em biang i chongsuk ha Bangladesh hadien wa chna sorkar ka Bangladesh Nationalist Party (BNP).
U Vice Chairman ka Tripura Road Transport Corporation (TRTC), u Samar Roy da pyntikna u yeini deiwa ong wa da pyrchang pynlai biang ya ka Bus ha ka 21 tarik uni u bnai.
Da khana u leh wa ka Bus u mih ko na Agartala man ka Tuesday, Thursday wa Sunday katwa na Kolkata cha Agartala won man ka Monday, Wednesday wa Saturday.
Ka TRTC da ong ko wa i sdang biang ka Bus wow lai daw pynsuk ko ya kiwa boon khamtam kiwa lai thooh dawai, ki khynnah puræ wa kiwa lai cha kiwa ha-yung ha-sem.
Discussion about this post