Da pynyieñ ya u moopood wa nyngkong hapyrdi ka Assam wa Arunachal Pradesh

Kam chibynta wow pynbait yei kajia pood wa neh da ki phaw snem, da booh noh ya u moopood wa nyngkong hapyrdi ka Assam wa Arunachal Pradesh ha Seijosa, Pakke-Kessang District ynnin ka 22 tarik.

Ini man i ka dak wow wanrah yei chongsuk hapyrdi ka thaaiñ hadien wa soi ya ka Namsai Declaration ha u July 2022, wow pynbait ya u pood hapyrdi ki ar jylla. 

Kam wow kdaw heini, ki Joint Regional Committee wa kynthup ya ki Minister wa ki sahep sorkar na ki ar jylla da lai pait lai sylli ki ya u pood deiwa pynchong yurim ya ki kot ki sla wa da em hapyrdi ki ar jylla heiyatoh wa u pood.

Related posts

Lada ym pyndam ka seiñ ki karkhana Cement yei pynche heiyatoh wa i pynemkaam Bulker Truck daw yaleh ka AMTT da ka PIL

April 17, 2026

Daw pynkynmoo biang ka HSPDP ya u CM wow sdang biang i klam pynbait pood wa ka Assam

April 17, 2026

U Chief Minister ka Arunachal Pradesh, u Pema Khandu da ong u wa u Seijosa Pillar man u i dak wow sahkynmoo heiwa kattu da che u pood hapyrdi ki ar jylla wei wow pynsuk ya kiwa sah ha khappood.

Ha kani ka sngi wa booh ya u moopood da em u Deputy Commissioners ka Pakke-Kessang District ka Arunachal Pradesh wa na ka Biswanath District ka Assam deilang kiwi.