12 snem phah kset ka yung bichaar ya uwa slaitbor ya ka khynnah wa dang 11 snem

Ynne ka sngi, ka yung bichaar ka P. Syngkon, Special Judge (POCSO), da rai pynrem ko ya u Duh Timung uwa chong chnong ka Barato hapoh ka Section 5(m)(n) ka aiñ POCSO Act wa Section 506 ka IPC.

Kani ka Case toh hadien wa yoh FIR na ka manbei ha ka 22-09-2018 kawa da pynbaad wa u Duh Timung da slaitbor u ya ka khon ko kawa dang 11 snem wei da leh u yeini ar sien wei da maham u leh wow pynmynsoo ya kani ka khynnah lada khana ko yeiwa jia.

Nyngkong u Duh Timung da yut u wei da yoh kem oo ha ka 17-09-2019 heiwa da Register ya ka Case ha Nartiang PS deiwa pynngat hapoh ka kyndon 5(l)(m)(n) ka aiñ POCSO Act deilang ka Section 506 IPC, wei da takit wei Charge Sheet da ka WPSI I. Kharpran.

Related posts

Ka sorkar da pynlut ko Rs. 31 klur ha Mairang Constituency neibynta ki kaam Tourism nadooh u 2017

February 24, 2026

Da pynkhreh ya ka Service Rules neibynta kiwa kreh ka Bharat Scouts and Guides: Lahkmen

February 24, 2026

Hadien wa kut ka bichaar, neiliang ka Court ka Special Judge (POCSO), West Jaiñtia Hills, Jowai, da rai pynrem ko kamni ya u Duh Timung:

10 snem u phah kset deiwa pynchitom joor bha deilang ka kuna wa Rs. 10,000 hapoh ka aiñ POCSO Act wa ar snem won deiwa pynchitom joor bha deilang ka kuna wa Rs. 5000 hapoh ka kyndon 506 ka IPC. Waroh hap chong kset patok 12 snem.