Dadep thied lut ya ki thaw wow pynheh ya ka Shillong Airport, da yoh leh i thaw ki chipai: Sniawbhalang

Ka sorkar Meghalaya dadep thied lut ko ya ki thaw wei da yohbor ko na ka chnat Defence neibynta wow pynheh ya ka Shillong Airport, khnang wow ye u pdiang ya ki lieñsuiñ wa heh.

Yeini da khana u Deputy Chief Minister uwa pait leh ya ka chnat Transport, u Sniawbhalang Dhar heiwa da ong u wa ka Umroi Airport katni ye ko wow pdiang du ya ki lieñsuiñ ATR-72 neibhah jrong ka Runway ko du 1,829 metre.

Da khana u wa ka sorkar wa ka AAI, da pynkhreh ki ya ka Master Plan wow pynjrong ya ka Runway sa 2,400 metre wei yeini da emkaam sa 22 Acre — 11.75 Acre i thaw ki bru samen wa 10.3 Acre i thaw ki chipai.

Da khana u wa u Deputy Commissioner ka Ri-Bhoi dadep thied u ya i thaw ha ka 28 tarik u January 2026, ha i dor wa Rs. 72.17 klur wei da sdang e kti ya ki cha ka AAI. 

Related posts

Dohyap kiwa kreh Forest u thooh wei yarap ya u hati wa sakhut ka chaka Tractor ha rdang u

September 10, 2026

Chah yooh ka khynnah wa kyndeh ke hakhmat yung hadooh wa yap

September 10, 2026

Heiyatoh wa ki thaw chipai, da khana u wa ka Ministry of Defence da e ko ya ka Advance Working Permission ha ka 17 tarik u April 2025, deiwa e salan da iwi i thaw yeiwa ka sorkar da jied ko i thaw 7.7255 Acre ha Umroi Madan ha i dor wa Rs. 23.55 klur.

Ya ka MoU daw soi ha u March 2026 wa ki chipai.