U Health Minister ka jylla, u Wailadmiki Shylla hawa jubab yeiwa kylli ka MLA ka Gambegre, ka Mehtab Chandee A Sangma ha Assembly ynne ka sngi, da khana u wa ka sorkar da booh bhah ko Rs. 25 klur ha ki san snem wow yakhun ya u khñiang HIV/AIDS.
Da khana u wa katkam ka HIV and AIDS (Preventive and Control) Act da khang wow pynmih pyrthai ya i pyrtuid kiwa em ya uni u khñiang kjut wei ymye wow pynbor ya ki bru wow leh ya ka Test næ wow pynbor wow dih dawai ki.
Chooh chooh da khana u wa i chah pait khmat wei chah yoobeiñ toh i daw wa tieñ ki bru wow wan leh Test, hanla kattæ ka chnat da pynboon ka sorkar ya ki Awareness Programme wa kiwi.
Da yaroh u ya u Chief Minister, u Conrad K. Sangma wa ka sorkar wow rai wow e Rs. 25 klur ha ki san snem wow yakhun ya u HIV/AIDS.
Discussion about this post