Ynnin ka 27 tarik haka yalang wa da pynman da ki tre Truck na Ri-loom Jaiñtia wa haap hapoh ka seiñ Jaiñtia Hills Truck Owners’ Association (JHTOA) da rai wei pynbna ki wow pynman yaka Election jied President thymme ha ka 02-03-26 hadien wa dapep i thmu pynman haka 9 tarik uni u bnai.
Ya ka Election daw pynman ha yung ka Kur Phawa-Siangshai-Papiah-Lyngdoh Phawa wa em ha Khliehwah Sahsniang Ialong, West Jaiñtia Hills District.
Katkam i pyntip u Balen Thubru uwi na ki tre Truck, ong u ha kani ka kynti da rai bait ki wow lai chakhmat yaka Election neibhah wot hawa da em i yaklam pynbait wa u President warim hakhmat ki bor District leh ym em u leh u kamwa phah u Magistrate.
Da pyntip haroh u wa kiwon kiwon kiwa kwah yakhun yaka kaam President ye ki u pynpoi ya ki Application ha u Secretary hapoh i por 9 waje ha deilang ki Polling Agent yong ki, wei i thap Vote u sdang i nadooh i por 11:00 waje i step hadooh i por 4:00 waje i janmiet.
U Balen Thubru pynche haroh u wa hadien wa da pynsangeh chwa, da em i yaklam wa u President warim ka JHTOA wow pdiang yei pynthymme (Renewal) hapoh ka seiñ JHTOA, tangwa u President warim da paan por u chi tayaaw, hadien neitæ da phah u dei thoh cha u DC wym ye de u pdiang Renewal, heiwa neiliang ki tre Truck won pyrchah joor ki yeini.
Chooh chooh da ong u wa katkam i klam u President hajrong ka Constitution ka seiñ, boon na kiwa yah Truck ym em pdiang ki yeiwa klam u.
Heiyatoh wa i wow jied President thymme u Balen da khut u ya waroh deiwa ong waroh ki tre Truck em ki ka hok u wan thap Vote nadooh kiwa em ya ki Truck 6 chaka hadooh ki 16 chaka u wan chimbyntalang ki.
Heijooh i por da khut kyntu haroh u ya u President, u Biangshwa Shylla wow wan chakhmat u yakhun ya kani ka kaam President, lada toh wa dang yoobiang ki paidbah u jied ya oo.
Da kyntu leh ya kiwa yakhun President u wanrahlang ki yaki kot kari Original kam ka Registration Certificate (RC) wei ym chah u wanrah da ki kot dustabit thied kari.
Discussion about this post