U Chief Minister ka Assam, u Himanta Biswa Sarma da ong u wa da pynuiñ ya ki 21 ngut ki nong Bangladesh kiwa da psiah tooh cha Assam ynnin ka sngi.
Da ong u wa hei synyaaw heioor 12:30 da em 21 ngut ki nong Bangladesh wa da chah pynuiñ hei pait ki pulit ka Sribhumi District.
Da ong u wa ini man iwa boon dooh ha ki bnai wa dadep.
Chooh chooh da ong u wa mar ksoh ya ki, da pait ya ki kot ki wei da pynuiñ ya ki. Da ong u wa kopsar boon ki bru yimphoo ki tangwa ki pulit man ki kiwa pait wot hei miet neibynta ka ri.
Ka Sribhumi District em ko ha Barak Valley wei kawa synjor bha u pood heiwa suk i psiah i mih hapyrdi ki ar ri.
Du ha u September 2025, da em 39 ngut kiwa chah pynuiñ chisien pynuiñ na Sribhumi cha Bangladesh.
Discussion about this post