Ka Dorbar Chnong Mutong ha ka 20-02-2026 da pynman ko yei jied waheh chnong deiwa thap Vote heiwa da em ar ngut kiwa yaleh.
Ki kyrtong toh u Jerimiah Dkhar wa u Marchy Dkhar uwa man kam u waheh chnong warim wei hadien wa dep ñiaw Vote da jop u Marchy Dkhar da 95 Vote yow man waheh chnong wa thymme neibynta u snem 2026-29.
U Marchy Dkhar kam u waheh chnong wa thymme da e khublei u ya ki paidbah ka chnong kiwa da jied biang ya oo wei da kular u wow kreh chitom chooh chooh yow wanrah ya i roi i paar wei u chakri hok ya kiwa chong chnong khlem da ñiaw chiliang.
Khnang yow pynlai bait pynlai ryntih ya ki kaam yong ka chnong, ha ka 28-02-2026 da jied leh ya ki EC Member heiwa u Rimistar Dkhar da man u kam u Secretary, u Meyoki Dkhar kam u Asst. Secretary, u Thrangmi Phawa kam u Asst. Waheh Chnong, u Himbik Phawa kam u Treasurer, u Phailang Dkhar kam u Chairman, u Heimonmi kam u Auditor, u Eklin Phawa kam u Auditor wa 12 ngut ki dkhot ka Executive Body ka chnong dei rah kti.
I jied waheh chnong da man ko kawa lai bait lai ryntih wei da man ko leh kawa jop katkam i angnood ki paidbah wa chong chnong.
Neiliang ka Election Committee ka chnong Mutong da e khublei ko ya waroh nadooh u Pa Dolloi ka Elaka Jowai, u Puramon Kynjing kam u khlieh dooh wow pynlai ya ka Election wei kamjooh ya ki paidbah ka chnong kiwa da krehlang wow wanrah yei chongsuk chongsaaiñ hapoh chnong poh thaw.
Ini man ko katkam i pyntip u Rimistar Dkhar uwa man u Secretary ka Election Committee ka chnong Mutong yong u snem 2026.
Discussion about this post