Ha iwi i jia wa pynkhyrngiat ya kiwa boon ha Ashoknagar, Madhya Pradesh uwi u bru da ku u ya u Mobile Tower wa 150 ft heiwa da maham u wow noh deiwa dawa leh wow yachem ya uwa yahkhmat ka Liang Pyrchah ka Parliament, u Rahul Gandhi.
Ya uni u bru da tip kam u Lakshminarayan Lodhi na Khangalpur, wei da ku u ha u Mobile Tower ynnin heipor 2:00 waej i sngi.
U Lodhi da rah u leh ya ka lama ka ri wei da kdoh u ka ha khlieh u Tower.
Da booh u ya ka chithi ha khyndaw heiwa da thoh u wa le ngut kiwa ha-yung u da chitom ki wei kwah ki wow yachem wa u Rahul Gandhi wow paan yarap poisa wow chah sumaar ki wei da e por u 32 kynta chwa wow noh u najrong.
Ha ka chithi da thoh u wa u woh yong oo toh uwa yaleh laitlooid wei la le pateiñ em yatoh ki wa ka yung ki Gandhi tangwa da kut noh i hadien wa chah tynyap ka Indira Gandhi wa u Rajiv Gandhi.
Da kam u leh wa da pyrchang u wow yachem wa u Rahul boonsien tangwa ym yoh u iwa da pynsñiawsih ya oo.
Hadien kattu katni por da wan ki pulit kiwa da yaklam wa oo kamwa soo kynta wei neiliang ki bor sorkar da kular ki wow chimkhia yeini weiwa ini i leh u ymtoh ka luti wa miat wei da ye ki wow pynhiar ya oo cha wah.
Discussion about this post