Yoh ka chnong Jowai ya ka Digital Learning Centre ka wow yarap leh ya kiwa yakhun IAS

U Minister ka chnat Health & Family Welfare, u Wailadmiki Shylla ynne da wai u ya ka Digital Learning Centre ha District Library, Mynthong, Jowai heiwa da synraan ya oo da u Deputy Commissioner, u Abhinav Kumar Singh.

Ha kani ka sngi da emlang ka Assistant Commissioner ka E. Ch. Momin, u Assistant Commissioner u F. Passah, u District Librarian, u W.H. Gassah wa kiwi ki sahep wa ki paidbah.

Kani ka Centre toh wow e laad ya ka Online Learning wa ka Digital Education ya ki khynroo khyllood ka District.

Ha kani ka Centre em 18 tylli ki Computer wa ka High-Speed Internet ya kawa da chna deiwa yoh poisa na ka CM Catalytic Fund -Promoting Digital Learning wa ka Inclusive Access.

Kani ka thaw u man ko kawa krehkaam dei mynkna ya kiwa da Register kam ki dkhot ha ka Library khamtam wa da mang ya ki khynnah, kiwa thooh yei stat i tip kamjooh ki paidbah.

Related posts

Dawa ka JSM wow kyrriah biang cha Meghalaya na Assam ya ka thaw thoh ya ka Exam ka Staff Selection Commission

April 21, 2026

Lai booh ka Israel da u mot wa thymme u Jisu hadien wa chah tympiah ha u chipai

April 21, 2026

Hawa wai ya ka Digital Learning Centre, u Wailadmiki da ong u wa ini i thaw man i i kyrkhu ya ki khynroo ka District wow pynku ya i stat i tip lyngba i puræ puthi kamjooh wow kyrchaan ya kiwa yakhun kreh.

Ka Office u Deputy Commissioner da krehlang ko wa ka SPM Institute, kawa man ka IAS Coaching Center wow kyrchaan ya ki Super 30 Students ha u snem wa dadep ki wow yoh myntoi na ki Coaching Lesson lyngba kani ka Digital Learning Centre.