I booh kyndon wow emkaam ya ka Scheduled Tribe (ST) Certificate ya ki kyrtong wa yaleh MDC cha ka Garo Hills Autonomous District Council (GHADC), kattæ da em ko hei pait i bichaar ka yung bichaar, da pyntip u heh sorkar ynne.
U Cyril Diengdoh, Commissioner & Secretary ka chnat Political ka sorkar Meghalaya, da ong u wa kani ka kyndon wa da booh neibynta ki kyrtong wa emkaam ki ya ka ST Certificate wa e da ka sorkar yow ye u yaleh Election, da em ko hakhmat ka yung bichaar kattæ.
Da pyntip u wa neiliang ki bor sorkar leh da phah ko wow pynboon yei em ki pulit hadien iwa jia ynne ka sngi heiwa da em ki kyrtong wa da chah dat ha Tura heipor wa mut ki wow lai thap pyrtuid.
Heiyatoh wa ini wa jia, ka sorkar da paan ko ya ka Report wa bniah na u Deputy Commissioner ka West Garo Hills.
U Cyril da ong u wa hanla jia ini, ka Election daw lai ko kamwa da booh tarik hi wei i thap pyrtuid da sdang i nadooh ynne ka sngi.
Kam wow pynkynmoo wa ynne i step, u MLA warim ka Phulbari, u Esmatur Mominin da pynbaad u wa da chah dat u ha ki bru heipor wa mut wow lai thap pyrtuid kam u kyrtong MDC ka GHADC.
Ki paidbah ka Garo Hills da dawa ki wa du ki kyrtong wa em ST donhi toh u chah wow yaleh MDC.
Discussion about this post