Ka sorkar pyrdi da pyntikna ko hapoh Parliament wa ym em duna ki poisa kot Rs. 10, Rs. 20 wa Rs. 50 hapoh ka ri hadien wa mih i sñiawkhia wa duna kini ki poisa kot.
U Minister of State for Finance, u Pankaj Chaudhary da jubab u yeini ha Rajya Sabha ynnin deiwa chim yukheiñ na ka Reserve Bank of India.
Ha uni u Financial Year hadooh 26 February, ka RBI da saam ko 439.40 klur tylli ki poisa kot Rs. 10, neitæ 193.70 klur tylli ki poisa kot R.s 20 wa 130.30 klur tylli ki Rs. 50.
Ha u Financial Year (FY25) wa dadep, ka RBI da pynlait ko 180 klur tylli ki poisa kot Rs.10, neitæ 150 klur tylli ki Rs. 20 wa 300 klur tylli ki poisa kot Rs. 50.
U Chaudhary da kubur u wa ki paidbah chrai ki hawa ym yoh ya ki poisa kot khian ha ki ATM deiwa batai che wa ini toh nei rukom chna ya ki kor ymtoh na i duna kini ki poisa kot.
Discussion about this post