U Montri Rangbah ka jylla, u Conrad K. Sangma ynne da kyntu u ya ki paidbah wow pynneh yei suk i saaiñ ha kini ki por wa em ka kynaad ha kani ka thaaiñ.
Hawa phah ya ka khubor lyngba ka Video, da ong u wa da pyntip cha oo wa da em kiwa boon ki kynhun deilang ki bru kiwa da toor cha thaw sah u dei thmu wow thang yei yung wei wow pynmynsoo ya kiwa ha-yung ha-sem u.
Neiliang ki bor sorkar da ong ki wa katkam ki kyndon da hap u wow mih na yung yow lai cha kawi won ka thaw tangwa oo da jied u wow neh ha yung neibhah wym em tieñ u.
U Conrad da ong u wa i mynisen u em i hei kti u blai. “Nga toh u A·chik (Garo) wei i snaam yong u pa O em i ha nga iwa da e mynsien wow man uwa chlur wei uwa raikut,” da ong u Conrad deiwa pynrap hadooh katwon maya u ya ka jaitbru wei u kreh u leh neibynta i bha i miat ki bru deiwa khooid.
Heiyatoh wa pteiñ i kynaad kattæ nadooh i chah leh pynsih ki yung ki sem hadooh ki yung krehkaam sorkar wa ki thaw niam, hadooh wa em leh ki yung ki sem kiwa chah psiah yabor iwa da pynsier ya ki manyung mansem, wei deiwa leh kamni ym em man ko ki yurim wa im ki bru ha ka imlang sahlang.
Kamtæ da kyntu u ya ki paidbah wow man kiwa jai-jai wow yait na ki kaam pynmynsoo wei yeini waroh daw ye u ya pynbait deiwa yaklam donhi.
Discussion about this post