Ka Synjuk Waheh Chnong East Jaiñtia Hills District da pynsñiaw ko yei pyrchah wa joor ya ka Expression of Interest (EOI) Notification wa da pynmih ha ka 5 tarik u February 2025 heiyatoh wow pynbiang ya ki tiar wa pynemkaam hawa kreh namo ki Civil Work Hardware wa ki Planting Materials hapoh ka MGNREGA neibynta u snem mang tangka 2026-27, 2027–28 wa 2028–29.
Ha ka yalang paidbah wa da pynman ha ka 28 tarik u February 2026 ha Khliehriat West, wa da chimbynta da ki waheh chnong na ki chnong waphær waphær hapoh ka District, da chim ya ka railang wow kyrpaad yow pyndam noh ya kani ka EOI Notification.
Ka synjuk da pynsñiaw ko wa kani ka Notification toh u e bor wei e bynta ko ya ka dorbar chnong kamwa jooh man neibynta wow rai kiyi wow man kam ki Supplier lane ki Vendor neibynta wow pynbiang ki tiar kiwa emkaam hapoh ki kreh ka MGNREGA ha ki chnong.
Ka Synjuk Waheh Chnong da pynsñiaw ko wa ymtoh u khut Tender yow chah ya ki bru na baar chnong wow man kam ki Supplier næ ki Vendor ha ki chnong, neidaw wa kani pynthut ko yei rukom synchaar paidbah wa ka riti dustur kawa da em nadooh nachwa.
Kamtæ ka Synjuk Waheh Chnong East Jaiñtia Hills da kyrpaad ko ya u Deputy Commissioner wa u District Programme Coordinator, SRES-DID, East Jaiñtia Hills District, wow pyndam noh ya kani ka Notification wei wow pynman biang kamwa jooh man nachwa heiwa ki dorbar chnong rai ki da ki ya ki Supplier lane ki Vendors neibynta ki tiar kiwa emkaam hawa pynkreh ya ki kreh MGNREGA.
Discussion about this post