U pteiñ wow kset ya ka Strait of Hormuz: Mojtaba Khamenei

Ha i e ktien wa nyngkong dooh, u khliehdooh ka Iran, u Supreme Leader Mojtaba Khamenei da ong u wa ka Iran u pteiñ ko wow khang ya ka ‘Strait of Hormuz’.

Ka Strait of Hormuz toh kawi na ki luti wa khynñia bha ya ki jhaad ha ka pyrthai heiwa u Khamenei da ong u wa ka Iran emkaam ko u pait bha ya kani ka luti. 

U Mojtaba Khamenei, da man u kam u khliehdooh ka Iran ha ka 8 tarik u March wei da klam u leh hajrong i yatoh kiwi ki khlieh ka ri wa kiwi tawon ka ri ha ka thaaiñ wei kammon u pynneh ya i yatoh lok wa kiwi ki ri.

Da kyntu u ya ki ri wa marjan wow khang noh ya ki ktem chipai ka America ha ki ri yong ki.

Chooh chooh da maham u wa ka Iran u pteiñ ko wow dat Bomb ya ki ktem chipai ka US lada pteiñ ka thma.

Related posts

Yap uwi katwa dang kaap cha chiliang sarok | Yut ka kari wa tyrrah

June 28, 2026

Chirta beh kreh ka Meghalaya Cricket Association ya u Coach wa u Manager, chah Suspend soo ngut kiwi heiyatoh wa i chah leh khlem akor ki kynthai wa yalehke

June 28, 2026

Da maham u leh wa ka Iran ym randien ko wow tput ya ki khynnah wa yap hei dat Bomb ka USA ha ka skur ha Minab heiwa da yap 168 ngut heiwa boon na ki toh ki khynnah. 

Heiyatoh wa kani ka skur, ka Iran da ong ko wa ka pdung ko na ki Missile wa siat ka USA katwa ka USA won ong ko wa ym jooh dat chynnam ko ya ki thaw paidbah.