Ha kini ki por wa em kiwa boon kiwa pyrchah yow booh ya ki thaw thoh jhep kiwa da thmu wow chna katkam ka juk wa katni, ka chnong Amlarem da pynyoo luti dei thrang wow chna ya kawi ka Mini Waste Management Plant.
Hawa pyntip yeini ynne ka sngi, u Montri sorkar uwa man leh kam u MLA ka Amlarem, u Lahkmen Rymbui da ong u wa ka jylla da man ko kawa da kyrkhu wow em ki loom ki wah kiwa miat deilang ki kchaaid tangwa lada ym em ka thaw pynlang jhep kawa man katkam ka juka wa katni namo ka Scientific Waste Plant, ka la-ær wa khooid ye ko wow chah ktah kat dang lai i por.
U Lahkmen da pyntip u wa ini i thaw wa da jied toh iwa heh kamwa 4-5 Acre iwa jngai na ki chnong ki thaw wa em ha Amlarem yow chna ya ka Eco Friendly Waste Management Plant.
Da pyntip u leh wa ha kani ka tayaaw da lai pait ya kani ka thaw deiwa emlang ka dorbar chnong chirup wa ki heh sorkar.
Da ong u wa da kwah u wow chna ya ka 5 MT Scientific Waste Plant wei lada krehkaam ko daw ye wow pynbood kamjooh ha kiwi ki thaw ka jylla wa emkaam ya kam kani ka thaw pynlang jhep katkam ka juk wa katni.
Da yooluti u wym em ki wow pyrchah neibhah kani ye ko wow yarap ya ki chnong wa em marjan.
Kam wow pynkynmoo wa ka sorkar Meghalaya da pyrchang ko wow chna ki Scientific Waste Management da rap slem neibynta ka sor Shillong tangwa kiwa boon ki thaw wa da jied da pynsñiaw ki yei pyrchah neidaw wa khuslai ki yei chait i khiah kamwa da jia hawa thooh thaw neibynta i jhep na chnong Jowai.
Discussion about this post