Ka poisa kot yong ka USA kattu u em noh ko ya i soi pyrtuid u President Donald Trump nadooh uni u snem iwa man ka sien wa nyngkong wa u President wa chong chuki wow soi pyrtuid ya ka poisa kot, da ong da Treasury Department katai ka ri.
I pynwandur ya ka poisa kot man i kam chibynta yong i dap 250 snem wa laitlooid ka USA wei u man i ka sien wa nyngkong ha ki 165 snem wow pyndam yei soi pyrtuid ka U.S. Treasurer.
Ya ini daw sdang da ki poisa kot $100 heiwa daw em i soi pyrtuid u Trump wa i yong u Treasury Secretary, u Scott Bessent nadooh u June, neitæ won kiwi ki poisa kot ha ki bnai wa bood.
Ka Treasury hadooh katni da pynmih ko ya ki poisa kot wa em i soi pyrtuid ka Treasury Secretary yong u President warim, u Joe Biden, ka Janet Yellen wa ka Treasurer warim ka Lynn Malerba.
Ka Lynn man ko leh ka Treasurer warim nadooh hadien u snem 1861 kawa da neh bait i soi pyrtuid ko ha ka poisa.
Ki dkhot ka Panel wa thung u Trump ha ka tayaaw wa dadep da pdiang ko ya i pynwandur (Design) yong ka poisa ksiar wow pynsahnaam namo ka Commemorative Gold Coin wa em i dur u Trump.
Discussion about this post