La 70 snem ym em u man ka Mukroh kam ka thaw wa kajia pood, katni da chah knieh ha ka Assam

Ynne ka sngi ka FKJGP-Jaiñtia Hills District da pynman ko ya i lai paidbah namo ka Rally na laad Kiang Nangbah Government College chadooh Iawmusiang wow dawa na ka sorkar wow pynbait noh ya u pood ka jylla wa ka Assam heiwa manda poi ha Madan Kñia Khad da em ka yalang wa pynlai da u Nangkhraw Ranee uwa man u General Secretary ka FKJGP-West Jaiñtia Hills.

Ha ka yalang, u Waheh Chnong ka Mukroh, u Kitlang Maskut da ong u wa 70 tylli ki snem ym jooh em u chah pyndik ki, wei ha kini ki snem wa dadep da sdang ki wow chah pyndik ha ka sorkar Assam neibhah wa yoo ko wa tlot ka sorkar Meghalaya kamtæ dang kyntoor bait ko cheini.

Da ong u wa katni ki paidbah ka chnong da chah ktah ki ha ki thaw yong ki hi wei da chah leh pynsih ki ha ki bru Assam.

Chooh chooh da ong u wa ya ka Mukroh ymtoh de wow yaklam ya u pood u ang heiwa nachwa ym jooh em hap ko ha ki kaam pood namo Border Issue wei ymtoh kawa kajia heiwa nadooh wa yoh jylla leh ym em hap ko hapoh u pood wa hap pynbait.

Related posts

I pyntip wa emkaam cha kitu kiwa yaleh Admission Class-XI ha Kiang Nangbah Govt. HS School

April 21, 2026

Hadien wa yap ki ar ngut nei haap moo, khang ka sorkar ya u sarok hadooh wa pynbna da kamwi

April 21, 2026

Da ong u wa nachwa ki pynthor ki hali ka Mukroh man kiwa heh ya kiwa e da ki warim tangwa katni da chah knieh ki heiwa ka Assam da ong ko wa ya ki hali ym knieh ko wei ya ki khyndaw ki chyiap da man ki yong ka.

U Kitlang da ong u wa katni da hap wow pynbait wot ya u pood ka Mukroh man i wym ye u pdiang neibhah nadooh nachwa ym em i kajia tangwa katni da khyrngiat wot kiwa chong chnong.