Ki paidbah da chong syir ki ynnin ka sngi hadien wa em i pdung wa joor ha sorbah Jorhat, Assam heiwa da yap ar ngut ki bru wa kynthup ya u khynnah wei da mynsoo kattu katni ngut ki bru.
Ini i pdung da jia i ha Raja Maidam, New Colony heipor nohchariñ ka sngi heiwa nyngkong da suba wa toh ka tadong LPG tangwa manda yoo ki bru ya ki dak ki chin man i mar dei kangtleiñ, heiwa da kit ya ki 4 ngut wa mynsoo cha Jorhat Medical College and Hospital heiwa 2 ngut da yap noh ki.
Ya kiwa yap da tip kam u Noor Mohammad (45) wa u Mohammad Iqbal (8) kiwa na kani ka thaw wa jia.
Kiwa da mynsoo joor kynthup ki ya ka Sehnaj Begum (12) wa u Noorjahan Begum (35) kiwa dang em hapyrdi i chah sumaar.
Ki pulit da ong ki wa u Noor Mohammad jooh pynlang u ya ki naar jæd na kylleiñ ka Jorhat wei jooh pynlang u ki ha i yung wai u wei da suba wa heipor wa tympra u ya ki tiar da u tyrnem da jia ini i pdung.
Ki pulit da ong ki wa da pynlang ya ki tiar na i thaw wa pdung wow pyntikna neiyi i daw wa jia ini.
Discussion about this post